Iserra ti Lepanto Mining Corporation — Ilocos Sur

Ni DONNA RABANG PETA

www.nordis.net
BAGUIO CITY — Idi May 10, 2012, maysa a mining forum ti insayangkat ti Lepanto Consolidating Mining Company (LCMCo) ken Mines and Geosciences Bureau (MGB-CAR) para kadagiti kameng ti League of Municipalities of the Philippines (LMP) – Ilocos Sur Chapter idiay Baguio Country Club.
Naiyaramid daytoy a forum tapno kumbinsaren ti Lepanto dagiti kameng ti LMP ken kas sungbat da mainaig iti resolusyon nga inruar dagiti LMP Ilocos Sur idi February 28, 2012 nga agpanpanawagan tapno isardengen ti LCMC ti operasyon na iti panagminas.
Daytoy a foum ket inatendaran ti agarup 20 a Mayors iti Ilocos Sur kangrunaan dagiti Mayors a naggapu iti munisipalidad a maayusan ti Abra River ken adda met dagiti representatibo manipud iti Save the Abra River Movement (STARM) ken Defend Ilocos Against Mining Plunder (Defend Ilocos).
Kabayatan ti forum, impabuya ti LCMC ti pakaistoryaan ti ibagbaga da a “responsible mining” bayat iti 25 years nga operasyon na; insaruno da a tinalantan dagiti technical presentations mainaig iti wagas ti panagminas da; pond design; no kasano da nga urnongen ti rugit da iti dam; dagiti karayan ken tributaries iti Benguet, Abra ken Ilocos Sur; mainaig iti Multipartite Water Monitoring; ken ti Social Development ken Management Plan (SDMP) da.
Iti kinaatiddug ti presentasyon da, awan pulos ti naiparang ken nadakamat ti LCMC maipanggep no kasano da a sinango dagiti pakaseknan ken makadadael nga epekto ti panagminas da kas dagiti adu a kaso ti panagreggaay wenno panagrissuod ti daga ken bantay kas ti didigra a napasamak iti Colalo ken Poblacion idiay Mankayan.
Saan da a dinakamat dagiti panaggidday dagiti immuna a tailings dam da, dagiti insayangkat da a union busting wenno panangikkat da kadagiti adu a minero da, dagiti komunidad a nadidigra gapu iti operasyon da ken lalo nga awan ti dinakamat da maipanggep kadagiti napalabas ken nagsasaruno a saan da a nakapasa kadagiti safety ken environmental standards iti panangibilleng iti rugit da. Iti presentasyon ti MGB, awan met laeng ti dinakamat da maipanggep iti geo-hazard wenno fault line a no sadino ket masarakan ti Abra Fault iti asideg ti Abra River a ditoy ti nakaipasdekan ti Tailings Dam 5A ti Lepanto.
Resoslusyon ti LMP Ilocos Sur
“A RESOLUTION TO MANIFEST THE LEAGUE OF MUNICIPALITIES OF THE PHILIPPINES ILOCOS SUR CHAPTER’s CALL FOR THE CANCELLATION OF MINING OPERATION OF LEPANTO CONSOLIDATED MINING COMPANY IN MANKAYAN, BENGUET,” daytoy ti linaon ti resolusyon da. Nailanad ditoy a resolusyon ti nadumaduma nga epekto ken dadael a ginubuay ti 75 years nga operasyon ti panagminas ti Lepanto aglalo iti pannakapirdi ti Abra River System nangruna iti munisipalidad ti Mankayan, Benguet, Abra ken munisipalidad ti Cervantes, Quirino, Caoayan, Vigan City, ken Santa, Ilocos Sur.
Dagiti basaran ti LMP Ilocos Sur ti resolusyon da ket dagiti sumaganad ken dagiti resulta ti nadumaduma a panagsikusok ken Environmental Investigatory Mission (EIM):
1. Maipanggep iti biodiver-sity, kadagiti naisayangkat nga environmental investigatory missions ket natakwatan nga adda ti nakaro a panagpukaw dagiti lames, mulmula, ken tumatayab. Idi March 2001, nagaramid ti Lepanto kadagiti fishponds kas livelihood projects da idi ngem natay dagiti fingerlings kalpasan iti uppat nga aldaw.
2. Dagiti agbibiag iti danum (aquatic organisms) kas iti udang ken igat ket inot-inot a bimmassit. Nadlaw dagiti residente nga addaan ti kurikong wenno sakit dagiti lames gapu iti danum nga aggapu ti tailings dam ti Lepanto. Maysa a kangrunaan a paggapuan ti pangkabiagan ken taraon dagiti residente ket iti karayan.
3. Maipanggep iti salun-at, iti angin a malang-ab dagiti residente ken direkta nga exposure da iti rugit wenno mine tailings ti kumpanya. Resulta na daytoy ket natakwatan nga adda iti depekto dagiti maladaga, pannaka-alís dagiti masikog ken dadduma pay kas iti cancer wenno sakit iti bara.
4. Nailanad met laeng iti resulta ti EIM dagiti pannakapukaw ti pangkabiagan dagiti mannalon gapu iti polusyon kadagiti kataltalunan a ginubway ti operasyon ti Lepanto.
Pinasingkedan dagiti kameng ti LMP, Ilocos Sur ti resolusyon da kas nailad – “Now, therefore, be it resolved, that the League of Municipalities of the Philippines, Ilocos Sur chapter, manifests a unanimous call for the cancellation of mining operations of the Lepanto Consolidated Mining Company.“ Inaprobaran dagiti miembro idi February 28, 2012, idiay San Emilio, Ilocos Sur.
Napaay ti Lepanto Corp. iti gandat na nga allukoyen dagiti kameng ti LMP-IS. Naileppas ti mining forum a sikikired ken napinget latta ti takder dagiti LMP Ilocos Sur iti resolusyon da tapno isardeng ti Lepanto ti operasyon na.
“Nairut a supsuportaran ti Defend Ilocos ken STARM ti pusisyon ken resolusyon ti LMP Ilocos Sur ken panawagan pay kadagiti dadduma a Mayors iti intero nga rehiyon ti Ilocos tapno pagwadan ken suportaran da daytoy a ganwat ti LMP,” kinuna ni Finela Mejia manipud iti STARM-Defend Ilocos. # nordis.net
Effects of Mining in Benguet Province to Ilocos Sur
Photos from Yahoo Images.
Editorial:
Mamati la unay ni Presidente Aquino kadagiti sabsabong ti dila dagiti minero nga mangib-ibis ti rekurses mineral ti pagiliantayo. Narigat nga isuro kaneana ti dakes nga parnuayen ti panagminas ta agin-tutuleng met ngamin. Sabali ti prayoridad ti administrasionna ken dagiti babaenna. Padasen na koma a bisitaen dagiti lugar nga adda minas na nangruna iti ili ti Mangkayan, awan met ti makita nga panag-dur-as malaksid kadagiti negosyante nga directa a mabenbenepisyaran ti nasao nga pagminasan, kasta metten dagiti puliko sadiay. Maysa pay nga pangal-allilawda ti tao ket ti pannalaknibd kanu ti nakaparsuaan, babaen ti panagmula da iti kaykayo ngem ti dandanum ti karkarayan madi dan sa met nga makita nga isu ti directa a maperperdi manipud kadagiti naibelleng nga rugit sadiay pagminasan. Agingga't kaanu nga aginbubulsek ken agintutuleng dagiti agtuturay nga masissisirap ti pirak nga iyeg ti panagminas? Nakatulong kadi a talaga ti Panagminas ditoy Pilipinas? wenno kimmaro ti kinarigat gapuen ta dakkel ti busbusen ti gobyerno para ti rehabilitasyon ti perdision nga inyeg ti nasao nga industriya?

Get regular updates straight from your Facebook and Twitter accounts with The Blog of Innocence: SilentVoice Points. Make sure that you keep informed about the latest happenings around you. Be a fan of VoicePoints page on Facebook. Join the online conversation of the people behind your history. Follow and get some tweet updates from @voicepoints on Twitter. Discuss and be a part of this changing world. We believe in your voice. We believe in you. Shout! Speak your mind! Join now! You have the right. You have the freedom!

The Blog of Innocence: SilentVoice Points is accepting works and articles - news on our nation and the world, social issues, environment, advocacy, entertainment, trending issues and events, history, literature, reviews, travel, science and technology and discoveries. We reserve the right to edit and not to publish articles for reasons of libel and ethics. To submit, email us at silentvoicepoints@yahoo.com. Share your own stories now! 

Need advertising partners? Email us now silentvoicepoints@yahoo.com.  Advertise with us! 

0 comments:

SEARCH

Translate This Blog

Featured on

Featured on

ADVERTISE WITH US

ADVERTISE WITH US

ADVERTISE WITH US